| |
|
|
C.Porta -La mia povera nonna
|
CARLO PORTA
La mia povera nonna la gh'aveva
La mia povera nonna la gh'aveva
On vignoeu arent ai Pader Cappiscin:
el guardian ghe le benediseva:
i soeu fraa beveven mezz el vin.
La nonna in del morì la me diseva:
Te lassi sto vignoeu, el mè Frnzeschin;
s'el voeur bev el guardian lassa ch'el beva:
usellin tira a casa el porscellin.
Quand ecco tutt a on tratt Napoleon
El dà ona soppressada ai fratarij.
S'ciavo suo, sur vin, la protezion.
Credeva de fann pù nanch on boccaa:
inscambi mò hoo impienii tucc i vassij,
inscambi hoo bevuu anch quell che dava ai fraa.
Eppur in sti agn pasaa
Gh'avarev giugaa el coo che senza lor
No scusavem né nun né nost Signor!
|
|
